பல்சுவை

Sunday, November 15, 2009

வாடிக்கையாளர் கணக்கில் முறைகேடு சுவிஸ் வங்கிக்கு ரூ.62 கோடி அபராதம்

Posted by pavbalane at 6:48:00 AM Labels: செய்திகள், வர்த்தகம் 0 comments

வாடிக்கையாளர்களின் கணக்கை, 4 ஊழியர்கள் தவறாக பயன்படுத்தியதற்காக சுவிட்சர்லாந்தின் யுபிஎஸ் வங்கிக்கு ரூ.62 கோடி அபராதம் விதிக்கப்பட்டுள்ளது. கடந்த ஜனவரி 2006 முதல் டிசம்பர் 2007 வரையிலான காலத்தில், பிரிட்டனில் உள்ள யுபிஎஸ் கிளையின் உயர் அதிகாரிகள் சிலர், வாடிக்கையாளர்களின் வங்கிக் கணக்கை தவறாக பயன்படுத்தி இந்திய பங்குச் சந்தையில் முதலீடு செய்துள்ளனர். அனில் அம்பானியின் ரிலையன்ஸ் எனர்ஜி மற்றும் ரிலையன்ஸ் நேச்சுரல் ரிசோர்சஸ் ஆகிய 2 இந்திய நிறுவனங்களின் கணக்குகள் உட்பட 39 வாடிக்கையாளர்களின் கணக்குகளில் முறைகேடு நடைபெற்றுள்ளது.

எனினும், வாடிக்கையாளர்களுக்கு நஷ்டம் ஏற்படாதவாறு பார்த்துக் கொண்டுள்ளனர். வெளிநாட்டு முதலீடாக இந்திய பங்குச் சந்தைகளில் அந்த பணம் முதலீடு செய்யப்பட்டுள்ளதாக விசாரணையில் தெரியவந்துள்ளது. இதன் மூலம் ரூ.200 கோடி முறைகேடு நடைபெற்றுள்ளது. இந்த புகார் குறித்து விசாரித்த பிரிட்டனின் நிதி சேவை ஆணையம், ஊழியர்களை கண்காணிக்கத் தவறிய யுபிஎஸ் வங்கிக்கு ரூ.60 கோடி அபராதம் விதித்துள்ளதாக பிரிட்டனில் பத்திரிகை செய்தி தெரிவித்துள்ளது.

செல்போன் கட்டணக் குறைப்பால் யாருக்கு லாபம்?

Posted by pavbalane at 6:41:00 AM Labels: செய்திகள், தொழில்நுட்பம், வர்த்தகம் 1 comments

செல்போன் கட்டணங்களைக் குறைப்பதில் தனியார் நிறுவனங்களிடையே கடும் போட்டி சமீப காலமாக அதிகரித்துள்ளது. இந்தப் போட்டியில் அரசுத் துறை நிறுவனங்களும் இறங்கி, தாங்களும் தனியார் நிறுவனங்களுக்கு சளைத்தவை அல்ல என்று கட்டணக் குறைப்பை வெளியிட்டுள்ளது. உண்மையில் இதனால் யாருக்குப் பயன்?

÷ஒரு விநாடிக்கு என்ற அடிப்படையில் கட்டணம் குறைக்கப்பட்டதால் வாடிக்கையாளர்களுக்குப் பெரும் லாபம் கிடைத்ததா என்றால் அதற்கு விடை யாருக்குமே தெரியாது என்றுதான் கூற வேண்டும்.

÷÷ஒரு காலத்தில் அழைப்புகள் வந்தாலே செல்போன் கட்டணம் என்றிருந்த நிலை தற்போது தலைகீழாக மாறிவிட்டது. பேசப்பேச உங்களுக்கு சலுகை என்று நிறுவனங்கள் அறிவிக்கும் நிலை பரவலாக அதிகரித்துள்ளது.

÷கட்டணக் குறைப்பை மட்டுமே நிறுவனங்கள் பரவலாக விளம்பரப்படுத்துகின்றன. அதையேதான் முன்னிலைப் படுத்துகின்றன. ஆனால் அவை அளிக்கும் சேவை குறித்து எந்தவித தகவலும் தெரிவிப்பதில்லை.

÷பெரும்பாலான நிறுவனங்கள் அறிவித்துள்ள அனைத்து கட்டணக் குறைப்பும் குறிப்பிட்ட கால வரையறைதான் என்பது பலருக்கும் தெரியாது. அதன்பின்னர் படிப்படியாக பழைய நிலைக்கு விலை உயர்த்தப்படும் என்பது எழுதப்படாத அல்லது கண்ணுக்குத் தெரியாத வகையில் விளம்பரப்படுத்தப்பட்ட சட்டமாக உள்ளது.

÷சேவை அளிக்கும் நிறுவனத்தின் செல்போன் வைத்திருப்பவர்களுடன் தொடர்பு கொண்டால் மட்டுமே இந்தச் சலுகை. பிற செல்போன் நிறுவன செல்போனில் தொடர்பு கொண்டால் கூடுதல் கட்டணம் என்பதை பெரும்பாலான நிறுவனங்கள் தெரிவிப்பதே இல்லை.

÷இதேபோல எஸ்டிடி அழைப்புகளுக்கும் இந்தச் சலுகை அளிப்பதாக பல நிறுவனங்கள் அறிவித்துள்ளன. ஆனால் இதுவும் குறிப்பிட்ட காலம் வரைதான் என்பது அறிவிக்கப்படாத ஒன்றாக உள்ளது.

÷எஸ்டிடி அழைப்புகளுக்கு ஒரு விநாடிக்கு ஒரு பைசா கட்டணம் முதல் 450 நிமிஷங்களுக்கு மட்டும்தான் என்பது எத்தனை வாடிக்கையாளர்களுக்குத் தெரியும். அதன்பின்னர் வழக்கம்போல ஒரு விநாடிக்கு 2 காசு வீதம் வசூலிக்கப்படும். பில் வரும்போதுதான் வாடிக்கையாளருக்கு இந்த விவரம் தெரியும். இன்னும் சில பகுதிகளில் முதல் 15 நிமிஷத்துக்குத்தான் விநாடிக்கு ஒரு காசு என்ற அடிப்படையில் கட்டணமும் 15 நிமிஷத்துக்குப் பிறகு விநாடிக்கு 2 காசும் வசூலிக்கப்படுகிறது. இதை பல நிறுவனங்கள் செயல்படுத்துகின்றன. ஆனால் வாடிக்கையாளர்கள் இதைப்பற்றி அறியாமல், வழக்கம்போல பேசிக்கொண்டேயிருக்கின்றனர்.

÷விநாடி அடிப்படையில் கட்டணம் என்று அறிவிப்பு வெளியிட்டதோடு அதில் உள்ள நிபந்தனைகள் அது எத்தனைக் காலம் வரை அமலில் இருக்கும் என்ற விவரத்தையும் வாடிக்கையாளர்கள் தெரிந்து கொண்டு அதன்பிறகு இந்த முறைக்கு மாறுவதில் பயன் இருக்கும்.

÷குறிப்பிட்ட நிறுவனம் அறிவித்துள்ள கட்டணக் குறைப்பு எந்தெந்த பிரிவுகளுக்குப் பொருந்தும் என்றும் ரோமிங் கட்டணம் எவ்வளவு என்பதையும் தெளிவாகத் தெரிந்து கொள்ள வேண்டும். அத்துடன் எஸ்டிடி கட்டணம் எவ்வளவு காலத்துக்குப் பொருந்தும். அதன்பிறகு எவ்வளவு கட்டணம் என்பதைத் தெரிந்து கொண்டு பின்னர் தேர்வு செய்ய வேண்டும்.

÷தற்போது செல்போன் சேவை அளிக்கும் நிறுவனங்கள் திரைப்படப் பாடலை காலர் டோன் மற்றும் ரிங் டோனாக வைப்பதற்கான வசதியை அளிக்கின்றன. இதற்கு அவை வசூலிக்கும் கட்டணத்தைத் தெரிந்து கொண்ட பிறகு அதைத் தேர்வு செய்வது புத்திசாலித்தனம். இல்லையெனில் நீங்கள் போஸ்ட் பெய்ட் வாடிக்கையாளராக இருந்தால் உங்களது பில் எகிறிவிடும். பிரீபெய்ட் வாடிக்கையாளராக இருந்தால் உங்களது ரீசார்ஜ் கட்டணம் நீங்கள் பேசாமலேயே கரைந்து போயிருக்கும். இந்த விஷயத்தில் வாடிக்கையாளர்கள்தான் எச்சரிக்கையாக இருக்க வேண்டும். விளம்பரங்களை நம்பி பேசிக் கொண்டிருந்தால் பில் வரும்போது வருத்தப்பட வேண்டியிருக்கும்.

Thursday, November 12, 2009

உலக வங்கித் தலைவர் எச்சரிக்கை கிரடிட், டெபிட் கார்டால் வங்கிகளுக்கு சிக்கல்

Posted by pavbalane at 2:23:00 PM Labels: செய்திகள், வர்த்தகம் 0 comments

இந்த ஆண்டில் புதிதாக எந்த பொருளாதாரச் சிக்கலும் ஏற்படாது. ஆனால் 2010ம் ஆண்டில் வங்கிகள் புதிய சிக்கல்களை எதிர்கொள்ள நேரிடலாம். பெரும் வேலை இல்லாத் திண்டாட்டம் வங்கிகளை பாதிக்கக்கூடும். அத்துடன் கிரெடிட் கார்டுகள், டெபிட் கார்டுகள், நுகர்வுக் கடன்கள் மூலம் வங்கிகளுக்கு பிரச்சினை வரலாம் என உலக வங்கித் தலைவர் ராபர்ட் ஜோலிக் கூறினார். சிங்கப்பூரில் நடைபெற்ற ஆசிய பசிபிக் பொருளாதார ஒத்துழைப்பு உச்சி மாநாட்டில் ராபர்ட் ஜோலிக் கலந்து கொண்டார். மாநாட்டு அரங்கில் செய்தியாளர்களுடன் பேசிய போது, 2010ல் ஆண்டில் வங்கிகள் எதிர் கொள்ளக்கூடிய சிக்கல்கள் பற்றிக் குறிப்பிட்டார். அவர் கூறியதாவது: இதுவரை, உலக நாடுகளின் வளர்ச்சிக்கு அமெரிக்க பொருளாதாரம் உதவியாக இருந்திருக்கிறது.

அமெரிக்காவின் தேவைகளைப் பூர்த்தி செய்ய உலக நாடுகள் ஏற்றுமதி செய்தன. இனி அத்தகைய நிலை இராது. அமெரிக்காவின் தேவைகள் உலக நாடுகளின் பொருளாதார வளர்ச்சிக்கு உதவியாக இருக்காது. உலக நாடுகளின் பொருளாதார வளர்ச்சியின் பொழுது இந்த மாற்றத்தை வெற்றிகரமாக சமாளித்தாக வேண்டும். உலக நாடுகள் அனைத்தும் பொருளாதாரத் தேக்க நிலையில் இருந்து ஒரே நேரத்தில் விடுபட முடியாது. நாட்டுக்கு நாடு காலம், நேரம், முறை முதலியன மாறுபடக்கூடும். அதனால் உலக நாடுகள் ஒன்றுடன் ஒன்று ஒத்துழைத்தால் சிக்கல்கள் குறையும். தேக்க நிலையில் இருந்து விடுபட புதிய ஊக்குவிப்புச் சலுகைகள் தேவை இல்லை. 2010ம் ஆண்டிலும் சலுகைகள் தொடரலாம் என்றார்.

ஆன்லைன் மூலம் சாஃப்ட்வேர் தீர்வு: மைக்ரோசாஃப்ட் அறிமுகம்

Posted by pavbalane at 2:19:00 PM Labels: செய்திகள், தொழில்நுட்பம் 0 comments

சிறிய, நடுத்தர வணிக நிறுவனங்களுக்கு ஆன்லைன் மூலம் சாஃப்ட்வேர் தீர்வுகளை அளிக்கும் புதிய முறையை மைக்ரோசாஃப்ட் நிறுவனம் அறிமுகப்படுத்தியுள்ளது.

இதன்படி மாதம் ரூ. 95 கட்டணத்தில் மின்னஞ்சல், இணையதள ஒருங்கிணைப்பு, மின்வழிச் சந்திப்பு சார்ந்த மென்பொருள் சேவைகளை இந்நிறுவனம் அளிக்கிறது. இந்நிறுவனத்தின் இணையதளத்திற்குள் சென்று பயன்பாட்டுக்கு ஏற்ற கட்டணத்தைச் செலுத்தி இச்சேவையைப் பெறலாம். ஹெச்சிஎல், இன்ஃபோசிஸ்டம்ஸ், இன்ஃபோசிஸ் மற்றும் விப்ரோ ஆகிய நிறுவனங்களுடன் இதற்காக மைக்ரோசாஃப்ட் உடன்பாடு செய்துள்ளது.

சோதனை அடிப்படையில் இந்த சேவை கடந்த ஜூலை மாதம் தொடங்கப்பட்டது. இதை பல நிறுவனங்கள் பயன்படுத்திப் பார்த்து அதில் நல்ல பலன் கிடைத்துள்ளதைத் தெரிவித்ததைத் தொடர்ந்து இம்மாதம் 7-ம் தேதி முதல் முழு வீச்சில் இந்த சேவையை அறிமுகப்படுத்துவதாக மைக்ரோசாஃப்ட் கிளவுட் கம்ப்யூட்டிங் பிரிவின் செயல்முறை மேலாளர் சாஜு குட்டி தெரிவித்துள்ளார்.

இணையதள முகவரி: www.microsoft.com/india/onlineservices

ரூ.3,000க்கு கம்ப்யூட்டர் நிவியோ திட்டம்

Posted by pavbalane at 12:53:00 PM Labels: தொழில்நுட்பம், வர்த்தகம் 0 comments

ஏர்டெல் நிறுவனத்துடன் இணைந்து ரூ.3,000 விலையில் கம்ப்யூட்டர் விற்பனையை இந்த மாதம் தொடங்க நிவியோ திட்டமிட்டுள்ளது.

"டெஸ்க்டாப் கம்ப்யூட்டரை ரூ.3,000க்கு விற்பனை செய்ய ஏர்டெல் நிறுவனத்துடன் இணைந்துள்ளோம்" என நிவியோ தலைவர் சச்சின் துகல் கூறினார். ஏற்கனவே, மைக்ரோசாப்ட், ஏர்டெல் நிறுவனங்களுடன் இணைந்து ஆன்லைன் பிசி வசதியை நிவியோ அளிக்கவுள்ளது.

நிவியோ கம்பேனியன் என்ற கருவியை ரூ.4,999ல் அது அறிமுகம் செய்தது.

Wednesday, November 11, 2009

கூகுல் $750 மில்லியன் கொடுத்து வாங்கப்படும் பள்ளி மாணவனால் உருவாக்கப்பட்ட நிறுவனம்.

Posted by pavbalane at 6:37:00 AM Labels: செய்திகள், தொழில்நுட்பம், வர்த்தகம் 0 comments

கூகுல் $750 மில்லியன் கொடுத்து வாங்கப்படும் பள்ளி மாணவனால் உருவாக்கப்பட்ட நிறுவனம்.

கூகுள் நிறுவனம் $750 மில்லியன் டாலர் விலைக்கு AdMob என்ற மொபைல் விளம்பர சேவை நிறுவனத்தை வாங்கி உள்ளது. 2006ம் ஆண்டு துவங்கப்பட்ட இந்த நிறுவனம் ஒரு பள்ளி மாணவனால் உருவாக்கப்பட்டது.

மொபைல் தொழில்நுட்பம் மிகவும் வளராத காலத்தில் பல இன்னல்களை சந்தித்து வளர்ந்த நிறுவனங்களில் இதுவும் ஒன்று. iPhoneன் வரவுக்குப் பின்பு பல நல்ல முன்னேற்றங்களை அடைந்துள்ளது.

AdMobஐ வாங்குவதன் மூலம் ஒரு நல்ல மொபைல் விளம்பர வாடிக்கையாளர் தொடர்பு மற்றும் சிறப்பாக வடிவமைக்கப்பட்ட விளம்பர தொழில்நுட்பத்தை கூகுள் வாங்குகிறது.

Techtamil

WIN FREE LAPTOP : http://ezlaptop.com/?r=904180

லேண்ட் லைன் வடிவில் மொபைல் போன் பி.எஸ்.என்.எல். அறிமுகம்

Posted by pavbalane at 6:32:00 AM Labels: செய்திகள், தொழில்நுட்பம், வர்த்தகம் 0 comments

முதியோர் எளிமையான முறையில் மொபைல் போன்களை கையளும் வகையில் பி.எஸ்.என்.எல். நிறுவனம் லேண்ட் லைன் போன் வடிவில் மொபைல் போன் அறிமுகப்படுத்தியுள்ளது.

இது குறித்து பி.எஸ்.என்.எல். துணைக் கோட்டப் பொறியாளர் செய்தியாளர்களிடம் கூறியதாவது: பி.எஸ்.என்.எல். நிறுவனம் மொபைல் போன்களை முதியோர் எளிமையான முறையில் கையாளும் நோக்கத்தில் லேண்ட் லைன் போன் வடிவில் அதே இயக்கத்தில் ஜி.எஸ்.எம். பிக்ஸ்ட் ஒயர்லெஸ் மொபைல் போனை அறிமுகப்படுத்தி உள்ளது. இந்த போனில் சிம் கார்டுகளை செருகி பேசலாம். தரைவழி தொலைபேசியை எவ்வாறு கையாளுகின்றோமோ அதே போல் எளிமையாக இதை இயக்க முடியும்.

பிரீ பெய்ட், போஸ்ட் பெய்ட் 2 வகையான சிம் கார்டுகளில் எதை வேண்டுமானாலும் இதில் உபயோகிக்கலாம். மொபைல் போனில் உள்ள ஒலியின் தரத்தை விட இதன் ஒலி தெளிவாகவும் நன்றாகவும் இருக்கும். எல்லா பி.எஸ்.என்.எல். நிறுவனங்களிலும் தற்போது இந்த போன் கிடைக்கும். பிரீ பெய்ட் சேவையில் ஒரு வினாடிக்கு ஒரு பைசா என்ற திட்டம் தற்போது அமலில் உள்ளது. இந்த சேவையைப் பெற ரூ.45க்கான பூஸ்டர் கார்டை உபயோகிக்க வேண்டும். இதன் மூலம் தமிழ்நாடு வட்டத்திற்குள் பேசும் போது ஒரு வினாடிக்கு ஒரு பைசா கணக்கிடப்படும். இதைத் தவிர ரூ.49க்கான பூஸ்டர் கார்டை உபயோகிக்கும் போது எந்த மொபைல் போனுக்கு பேசினாலும், எஸ்.டி.டி பேசினாலும் ஒரு நிமிடத்திற்கு 49 பைசா திட்டம் நடைமுறையில் உள்ளது. வாடிக்கையாளர்கள் இந்த வசதியைப் பயன்படுத்திக் கொள்ள வேண்டும் எனக் கேட்டுக் கொண்டார் துணைக் கோட்டப் பொறியாளர்.

WIN FREE LAPTOP : http://ezlaptop.com/?r=904180

பல்சுவை